Ei løysing som blir teken vare på.
Når programvara blir ein del av arbeidskvardagen, treng de nokon som følgjer henne opp. Med ein driftsavtale hos Apalos får de hjelp frå folk som kjenner løysinga.
Vi tek ansvar for den avtalte tekniske drifta, vedlikehaldet og oppfølginga. Periodiske oppdateringar av programvara er inkluderte, også når løysinga er skreddarsydd for dykk.
Skreddarsydd, med vedlikehald.
Ei løysing skal kunne brukast over tid. Difor er periodiske oppdateringar ein del av drifta hos oss. Det gir ei meir føreseieleg oppfølging også etter at bygginga er ferdig.
Løysinga byggjer på ein felles grunnmur som vi bruker og held ved like sjølve. Inntektene frå alle kundane våre går tilbake til utvikling og drift av han. Forbetringar kan dermed kome alle kundane til gode.
Nye funksjonar og endringar i løysinga avtaler vi særskilt, eller innanfor ei ramme vi allereie har avtalt med dykk.
Tydeleg ansvar for den daglege drifta.
Før oppstart avklarer vi kva driftsavtalen skal dekkje: teknisk drift, overvaking, tryggingsoppdateringar, tryggingskopiar og brukarstøtte. Omfanget og månadsprisen står i tilbodet, saman med når avtalen startar.
De skal vite kven som følgjer opp løysinga, korleis de melder frå, og korleis de får hjelp dersom noko ikkje fungerer som det skal. Vi avklarer også kva de følgjer opp sjølve.
Personvern treng oppfølging i praksis.
Tilgangar, oppbevaring og sletting må passe måten de arbeider på. Vi hjelper dykk med å setje opp relevante funksjonar, dokumentere behandlinga og avklare rutinane rundt løysinga.
De kjenner opplysningane og føremålet med å bruke dei. Vi bidreg med teknisk kompetanse og verktøy som støttar arbeidet. Ansvar og oppgåver avklarer vi saman.
Bygging og drift heng saman
Kva treng de hjelp til å følgje opp?
Fortel oss om løysinga de treng. Vi avklarer både leveransen og livet etter oppstart.